Hyundai (Əsl) Auto Azerbaijan

Mövzünun ardı şərhlərdədir.

Fotoların üzərinə böyük ölçülər üçün klikləyin!



Saat 18:41dir, Hyundai Avtonun önündəyəm 3 avtomobil dayanıbdır, qapıya cənzir vuran mühafizəçi şərti adı "Kobud A" olan oğlan içəriyə heçkimi buraxmır və gözləməyi tələb edir. Nə isə bu müştərilərdə na-əlac şikayət edə edə gözləyirlər, 3 avtomoil olur 5 daha sonra bu getdikcə artır.



Nəhayət Kobud A'dan nə olduğunu soruşuram və dialogumuz..

-Kobud A- Saat 9da servis açılır.
-Makla- Lap yaxşıda mən həmişə tez gəlirəm gedim saxlayım maşını gözləyim içəridə.
-Kobud A- "Probkadıda görmürsən? Gedib orda qalassan nə girmək olacaq nə çıxmaq.."
-Makla- Bəs yaxşı indi nə qədər gözləməliyik?
-Kobud A- İçəridəki maşınlar çıxana qədər
-Makla- Nə vaxt çıxar?
-Kobud A- Bilmirəm
-Makla- Ay qardaş maşın çoxdu içəridə?
-Kobud A- Ver qırağa saxlada dedim sənə 20 dəqiqəyə buraxılassız



Nə isə bir təhər içəri girdim, daha doğrusu şlaqbaumda cavan bir uşaq qarşıladı. Fikrimcə 8, 9cu sinifdə oxuyardı, nə üçün gəldiyimi soruşdu və yağ dəyişmək istədiyimi öyrənib qeydlərini apardı, və mənim "içəridəki maşınlar axşamdan burdadılar?" sualıma, "yox 20-25 dəqiqə qalmışdan buraxmışıq" cavabını aldım.



Və servis mərkəzinə daxil olan kimi "Kobud C" şərti adı ilə çoxdandır Hyundayda çalışan oğlan yanındakı cavan uşaqlarla birlikdə avtombili saxlamağımı tələb etdilər. Baxın xahiş demirəm tələb deyirəm. Maşından düşmək istəmədikdə, şikayət etdikdə, bunun necə bir process olduğunu, bu qanunun hardan çıxdığını, mənim öz maşınıma nəzarət etmək istədiyimi bildirdikdə, o nurani, gülərüzlü oğlan birdən "Kobud C" adına uğun sifət aldı və qapıda qarşılaşdığım kobud rəftarın pik nöqtəsinə uyğun olaraq "Probka yaradırsız.. bu buranın qanunudur.. bəyənmirsiz gedin Babəkdəki Hundaya.. Tez olun düşürsüz düşün işimizi görək.. Gedin şikayət edirsiz, edin.."



Nə isə həmin səsbi üz idasi ilə üz tutdum Hyundain avto salonuna ki, bizim Rüstəmi tapım.
rüstəm məni nə vaxt görsə "Hyundai haqda fikirlərini yaz, bizə tənqid lazımdır elə, biz tənqidə açığıq" deyirdi. Bir sözlə görsəydim Rüstəmi mentollu diet cola effekti verəcəkdim.

Gəldim avtosalona receptionda oturan xanım şərti adı “Kobud B” nəsə məşqul idi və Salam dedim, eşitdmədi.. Yenədə salam və eşitməməzlik. Və aramızdakı dialog.
-Makla- Rüstəm bəy burdadırmı xanım?
-Kobud B- Rüstəm?
-Makla- Bəli Rüstəm.
-Kobud B- İş vaxtıdı bəyəm..
-Makla- İş vaxtı nə vaxt başlayır ki? (saat 08:59 idi, telefonumda isə artıq 09:02)
-Kobud B- 9da
-Makla- Çox sağolun.



Yenidən servisə qayıtdım və müştərilərin gözləməyi üçün təklif olunan kafeyə daxil oldum. Nə oturmağa nə hərəkət etməyə yer var idi. Sonra kafenin sonunda sıxlıqdan gedib orda oturmuş müştəriləri yaına məndə keçdim, kafenin kondisioneri yaxşı işləsədə 2ci otaq həddən artıq isti idi. Və dağınıq vəziyyətdə idi. Böyük ehtimal həmin otaq Hundayın iclas otağı idi. Yəni iclas zalına oxşayırdı.



Çox maraqlı bir şey isə gözdən qaça bilməzdi, otaqın bir küncündə lövhə var idi və lövhədə “Servis - 0, Servis xidməti – 0” yazılmışdı. Bilmirəm bu orda yazılarkən nə mənaya gəlirdi amma mənim ağlımda nə mənaya gəldiyini yəqin ki, başa düşdünüz. Və eləmə təmbəllik həmin yazıların altına ürəyimdən o vaxt keçən tarixi yazımı yazdım.. “No Hyundai ..No Cry.. Happy Life..” Bilmirəm yazımı görən oldu yoxsa yox, amma hər halda ondan sonra sakitləşdim..



Və nəhayət gəldik hekayəmizin kluminasiya nöqtəsinə, kafenin qapısı ağzında gözləyərkən Hyundaida işləyən Makçı şərti "Yaxşı işçi A"nı gördüm, yad yerdə yaxın qohumu görən kimi sevindim. Hirsim hələ soyumamışdı tez-bazar "Yaxşı işçi A"ya iradlarımı, Hyundai qarşı suni sürətdə yaradılan nifrətdən, işçilərin rəftarından və Hyundain bu gedişlə hara gedəcəyindən danışdıq. "Yaxşı işçi A" hər zamankı kimi tənqidə dözümlülüyü, sözü kəsmədən dinləmək qabiliyyəti, bir doğma insan qədər ordakı müştəri və insanlara qarşı rəftarı ilə nəinki Hyundayın işçilərinə hətta deyərdim bütün qara siyahılıq firmalara gözəl bir nümunədir. "Yaxşı işçi A" kimi Hyundayın 5 işçisi olsaydı mənim kimidə 50 müştərisi yenədə Hundayda bügünkü situasiyalar yaranmazdı.
"Yaxşı işçi A" kafedə qara bir kofe içib sakitləşməyi təklif etti. Ürəyimi buz kimi saxlamağımı yeniliklər olacağını səbr edib dözməyimi və ən sonunda da Veracruz almağımı məsləhət gördü.

------------
Yazı, hadisələr cərəyan edəndən 20 dəqiqə sonra yazılmışdır, emosionallıq və hərf səhvlərini sonra editləmək ehtimalım vardı. Həddən artıq kobud ifadələr yazıda müəyyən qədər loyallaşdırılıbdır.
Heç kimlə şəxsi qərəzliyim yoxdur, sadəcə güclü inkişafın əsasında güclü tənqidin durduğuna inanıram. Bu yazıda sadəcə tənqidlər vardı, təklifləri gələn yazılarda verəcəyəm.

Mövzünun ardı şərhlərdədir.

6 şərh

Write şərh
23/7/08 18:23 delete

Oxudum maraqlı fikirlərdi. Həm də həqiqət payı var. Sadəcə olaraq bir balaca alova su səpələmək üçün deyə bilərəm ki, Azərbaycanda sadəcə Hyundai Auto Azerbaijan şirkətində bu tipli problemlər yoxdur. Belə problemlər bir çox şirkətlərdə görünməkdədir. Nəinki şirkətlərdə hətta normal küçədəki, şəhərdəki, universitetdəki, marşrutdakı, metrodakı insanlarda da bir gərginlik, əsəb, qəzəb, psixoloji sıxıntılar hiss olunur. Bəzən adama elə gəlir zombilərin arasına düşmüsən. :)
Amma onu deyə bilərəm ki, tənqid inkişafa yol açır. Tənqid hər zaman lazımdır.
Bir də zaman məsələsi var, zamanın tələbi məsələsi var, mental var xalqın ehtiyacları var, bazar var bazarın tələbləri var. İndi bazar elə bir gündədir ki, nə düzgün rəqabət var, nə də düzgün ehtiyaclar, nə də düzgün mental...
Hər halda maraqlı fikirlər üçün təşəkkürlər.

Reply
avatar
23/7/08 18:30 delete

Bu yazını yazacağını və bu tərzdə yazacağını bilirdim. Yazmağını da istəyirdim. Ama, oxumaq utandırdı. Otaqdakı yoldaşlara da dedim oxusunlar, indi hamı müzakirə edir, mən də bura yazıram.

İcazənizlə balaca bir aydınlıq gətirim məsələyə. Bu sistemin tətbiqi (içəri müştəri buraxılmaması) bütün dünyada tətbiq olunan sitemin bir hissəsidir. Bütün markalarda və bazar inkişaf edən ölkələrdə müştəri içəri buraxılmır. Ancaq, bir məsəslə var ki, güvənin olduğu toplumlarda bu daha xoş olur. (Francis Fukuyamanın "Güven Toplumlarında Rifah" kitabı çooooooxxxxx məsləhətlidir). Nə demək istədiyim aydın oldu yəqin, detallarını yazmasam yaxşıdır.

İçəridə gözləyən maşınların çoxu problemi bir gündə həll edilə biləməyən maşınlar olur. Tıxacın yaranması isə sırf yer çatışmazlığındandır.

Ümumiyyətlə problemin kökündə şirkətin sürətli böyüməsi və bunun qarşısında kapasite yetersizliyi və bizim insanımızda hələ də formalaşmayan müştəri xidməti mədəniyyəti durur. Düzələr inşallah.

Bir şeyə görə biraz rahatam ki, şirkət rəhbərliyi olaraq həqiqətən də müştərini məmnun etmək üçün çalışırıq. Əksikliklərimiz çox olsa da. Hazırki sistemin çatışmazlıqları da ən qısa müddətdə aradan qaldırılacaq inşallah. Tak chto sən VERACRUZ al, çox gözəl maşındır:)

MAKLA bir də, xahiş etsəm mənim adımı çıxararsan yazıdan? Mən işimi görmüşəm, digərlərinn adını yazmadan, kodladığın kimi, mənim davranışımı da heç olmasa kodla. Belə özümü narahat hiss edərəm. Olar mı qardaş? Əvvəlcədən "çox sağol".

Reply
avatar
makla
AUTHOR
24/7/08 10:33 delete

Mənim bütün yazıma sənin bircə "Ümumiyyətlə problemin kökündə şirkətin sürətli böyüməsi və bunun qarşısında kapasite yetersizliyi və bizim insanımızda hələ də formalaşmayan müştəri xidməti mədəniyyəti durur." cavabı bəs edir..

Yəni bununlada şirkət rəhbərliyi olaraq nələrdə əksik olduğunuzu bilirsiniz, qalır buna əlac tapmaq.

Əlacı isə işçi götürmək deyil, işçi yetişdirməkdir. Üniversitetdə praktikadan başlayaraq gəncləri işə dəvət etsəniz, inanıramki probleminiz qismən həll olunacaqdır. Yoxsa azinkadır, jobsearchdir, bossazdır bunlardan işçi götürmək elə yenədə kobud A,B,C,D,E...lərin yaranmasına səbəb olacaqdır.

Başqa diqqətimi çəkən bir şeydə vardı Hyundain girişində, mühafizəçinin olduğu köşkdə "başqasının yerinə kart vuran işdən azad olunur" yazılmışdı. Bax orda yazılsaydı ki, kobudluq edən işdən azad olunur, işçilərin işə olan məsuliyyətlərini artırdığı kimi müştərilərin daima haqlı olduqlarınıda anlayardılar.

Mən onunlada razıyam ki, bu sadəcə Hyundaya məxsus bir şey deyil amma mən bu şirkətin müştərisiyəm başqasının nə etdiyini necə etdiyinin mənim üçün nə önəmi var ki..

Mən bu marka avtomobil istifadə edirəm və adicə yağ dəyişmək üçün heç də az pul ödəmirəm. Nə üçün?
Əlbəttə yaxşı xidmət, qulluq və xoş rəftar üçün. Yoxsa elə gedərəm benzin stansiyalarındakı yağ dəyişmə məntəqələrinədə.. Servisdə nə işim var ki?

Ola bilər ki bu dünyada tətbiq olunan bir qayda-qanundur ancaq orda şəkillərdən birində Santa Fenin sahibi qapıdan çıxan səsi kafenin pilləkanından işçiyə başa salmağa çalışırdı, və axırda da dözməyib düşdü aşağı avtombilidə çölə çıxartmağa məcbur oldular başa saldı təzədən maşın girdi içəri.
Sizcə burda bir anormallıq yoxdurmu?

Hətta belə bir sistemədə keçəsi olsaydınız bunu yavaş-yavaş etmək lazım idi. 2 ildir ora mütəmadi gəlib gedən biri kimi deyə bilərəm ki, insan alışqanlıqları heç də asant buraxa bilmir.. Bizim kimi mental qanunları olan cəmiyyətlərdə isə ümumiyyətlə nə isə inqilabi dəyişiklik etmək istəyəndə gərək bunu başa sal sala 3-6-12 ay içində edəsən. Vallah narazılıqları mən yuxarıda kafedə eşidirdim, bir anlıq işlədiyim yer və yaxudda öz şirkətim haqda bu sözləri eşitdiyimi fərz etdim bu yeni qanunların tətbiqi heçdə yaxşı qarşılanmamışdı.

Müştərilərin gözləməsi üçün açdığınız iclas zalında namaz qılmaq üçün dəstlər, lazımsız sırf şirkətə aid olması gərəkən yazılı not dəftərləri, qarışıq stullar yuxarıdan işqınmı nəyinmi sallanan naqilləri bax bunlar Hyundain bir sistemi tez-bazar tətbiq etməsindən irəli gəlirdi.

Axı şirkət bilirdi ki, kafe onsuzda hər zaman dolu olur bu qədər müşətirinidə ora yığmaqla orda şəraitdə çatışmamazlıq yaranacaqdır. Kondisioner, stol dəstləri o qədər adam üçün nəzərdə tutulmayıbdır.

Deməli yeni qayda qanunlardan əvvəl şərait formalaşdırılmalı idi.
Yoxsa dəyişiklikləri tətbiq edib sonra yeni gözləmə zalının açılmasından danışmaq çox gülüncdür.

Həm də ilk dəfə deyəndəki gedin Babəkdəki servisə, yadıma Babəkdəki servisin yaxşı işləməməyindən şikayətiniz düşdü, və istər istəməz bununda bir taktik olduğunu düşündüm.. :)

Bir sözlə bu yazınıda, ümumiyyətlə şərhlərimidə Hyundain problemlərini görüb düzəltmək istəyən, can yandıran bir müştərinizin sözləri kimi başa düşün. İncimək, utanmaq lazım deyil.. Onsuzda mən hələ ora çox gəlib çox yazacam..

Reply
avatar
24/7/08 17:38 delete

Sağol MAKLA. Dediyin hər şey ilə tamamilə razıyam. Tamamilə.

Biz əlimizdən gələni edəcəyik ki, problemi tez həll edək. Tənqid etməyin və bu tənqidi təkliflə də birləşdirməyin çox müsbət haldır və buna görə təşəkkür edirəm şirkətimiz adından.

Reply
avatar
vika
AUTHOR
25/7/08 14:21 delete

Tesekkurler makla maraqli yaziya gore.bizde servis medeniyyeti asagi seviyyededi bu tek bir sirketin yox bir cox sirketlerin problemidi.Hec olmasa oxuyub bir tedbir gorerler yeqin.

Reply
avatar
23/9/08 10:34 delete

Salam Qardaşlar.Super sohbetdi.Düzü vaxtiyken menimde bir Hyundaim var idi.Men senden de çox çətinliklər gördüm.Və həyatımda böyük dönüş edib onu satdım və hal-hazırda "biz Hyundai Sürmürük" adli Club yaratmışam.o demek deyil e Hyundai pisdi.Men inandıra biləcək 15 dəlıl gətirə bilərəm ki Hyundai almaq olar oki qaldı Azərbaycanda Hyundai Satışı və servisi məni qa ne etmir.Rüstəm abi incime məndən.Mən özüm klubumla Hyundai test driveləri keçirmışik.Tezliklə onu öz bloqumda yerləşdirəcəm baxasız.İnanıram nə vaxsa düzələcək.....
Köhnə Hyundaiçı

Reply
avatar